01 Mar Gerookte, gevulde appels op ’n sederplank
Gerookte, gevulde appels op ’n sederplank. Die voorbereiding op ’n sederplank sorg dat die appels “indirek” gekook word. Op die manier sal hulle nie aan die onderkant brand nie. Die kante van die plank sal begin rook wat ekstra smaak tot die dis toevoeg. Boonop ruik dit heerlik en dit lyk fantasties.
Bestanddele
4 x ster appels of Elstar appels
4 x ruim teelepels aarbeikonfyt
4 x Amaretti koekies
Heuning
5 gram amandelvlokkies
Vir die vla
250ml melk
3 x eiergele
1 x afgeskraapte eetlepel mielieblom
2 x afgeskraapte eetlepels strooisuiker
2 x vanillastokkies
2 eetlepels Creme Fraiche
Jy het ook nodig
’n Sederplank
’n Kastrol
’n Groot mengbak
Metode:
- Maak eers die vla:
Verhit die melk in ’n pan. Sny die vanillastokkies in die lengte oop en haal die pitte uit. Voeg die vanilla by die melk. Roer die eiergele met die suiker in ’n bak tot dit skuimerig is. Roer die mielieblom met ’n paar eetlepels melk (dit moet ’n gladde pasta vorm). Wanneer die melk kook, roer die mielieblom mengsel by en laat dit prut terwyl dit heeltyd geroer word. Gooi eers ’n bietjie warm melk in die eiermengsel, dan die eiermengsel in die warm melk. Hou aan roer totdat dit effens verdik en haal die kastrol van die hitte af. Laat effens afkoel en roer dan die crème fraîche by. - Sny ’n baie dun sny van die appels af sodat dit nie omval nie. Verwyder die kern en hol die appels uit met ’n spanspekboor. Maak seker dat die onderkand ongeskonde bly. Skep ’n lekker groot telepel aarbeikonfyt in die appel, daarna die krummels van ’n Amaretti-beskuitjie. Vul die appel met die vla en gooi ’n bietjie heuning daaroor. Plaas van die amandelskaafsels op die appel. Plaas die gevulde appels op ’n sederplank.
- Plaas die bord op die rooster, direk bokant die kole, sodat die kante van die bord begin rook. Kook die gevulde appels vir 20 minute totdat dit effens sag voel. Draai die roosterrak (of die bord met die appels) halfpad deur die kooktyd sodat alle appels ewe veel hitte en rook kry.Sit dit warm voor met ’n skeppie vanilla roomys.